Pitabrode met gerookte hoender

4 pitabrode
60 ml (¼ k) mayonnaise
hand vol vars koljanderblare, gekap
2 gerookte hoenderborsies, in repe gesny
200 g mozzarellakaas, gerasper

1. Sny die pitabrode oop en smeer die een helfte met die mayonnaise.
2. Verdeel die koljander en hoender tussen die brode en bedek met die kaas.
3. Plaas die ander pitabroodhelftes op en rooster effens in ’n pan, in die oond of selfs op die kole.
4. Sit voor saam met slaai.