’n Heerlike weekdagmaaltyd vir die hele gesin
Genoeg vir 6 mense
Bereiding: 5 min.
Gaarmaak: 40 min.
80 ml (⅓ k) olie
2 kg hoenderstukke
sout en vars gemaalde peper
1 ui, gekap
15 ml (1 e) kerriepoeier
2 lourierblare
15 ml (1 e) paprika
4 kardemompeule
4 naeltjies
5 swart peperkorrels
1 kaneelstok
2 knoffelhuisies, gekap
4 tamaties, gekap
700 ml hoenderaftreksel
500 ml (2 k) basmatirys, afgespoel
’n hand vol koljander
Verhit die olie oor matige hitte in ’n groot pan met ’n deksel.
- Geur die hoender met sout en peper. Braai die hoender in sarsies tot verbruin. Haal uit en sit eenkant. Voeg die ui in die pan en braai 5 min. of tot sag, terwyl jy roer.
- Voeg die speserye en knoffel by, en braai ’n minuut. Voeg dan die tamatie by. Verlaag die hitte tot matig, sit die hoender terug in die pan en laat dit 10 min. prut.
- Roer die rys in, bedek en kook 20 min. of tot die rys al dente is. Verwyder van die hitte en roer die koljander in voor jy dit voorsit.
Deur Hope Malau
Foto: Megan Miller