Die aroma van die kerrie kan dalk daartoe lei dat jou bure kom kuier.
GENOEG VIR 6 MENSE
Bereiding: 10 min.
Gaarmaak: 45 min.
80 ml (⅓ k) olie
1,7 kg hoenderstukke
1 ui, fyn gekap
5 ml (1 t) kerriepoeier
2 lourierblare
15 ml (1 e) paprika
4 kardamompeule
4 naeltjies
5 swart peperkorrels
1 kaneelstok
2 knoffelhuisies, fyn gekap
410 g kersietamaties
700 ml hoenderaftreksel
500 ml (2 k) basmatirys, gespoel en gedreineer
koljander vir garnering
- Verhit die olie in ’n groot pan met ’n deksel oor hoë hitte. Geur die hoender. Braai die hoender in sarsies terwyl jy dit een keer omkeer tot bruin. Haal uit en sit eenkant.
- Voeg die ui in die pan en braai terwyl jy 5 min. roer of tot sag en lig-goudkleurig. Voeg die speserye en knoffel by en roer om te bedek. Voeg die tamaties en aftreksel by en kook nog 2 min. terwyl jy roer.
- Verlaag die temperatuur, sit die hoender terug in die pan saam met die aftreksel en laat dit prut. Kook 30 min. of tot deurgaar.
- Bedek met koljander en sit voor saam met rys.
Deur Hope Malau
Foto: Jacques Stander